Mgombea udiwani CCM aahidi kununua gari ya kusafirishia maiti bure kwa wananchi

Mgombea Udiwani wa kata ya Vingunguti  jijini Dar es salaam Omary Kumbilamoto amesema endapo wananchi wakimpa ridhaa ya kuwatumikia atahakikisha anawapatia gari ya kusafirisha maiti katika kata hiyo.

Kumbilamoto amesema hayo leo wakati akiomba kura kwa wananchi wa kata kwenye mkutano wa kampeni  uliofanyika mtaa wa Kombo.

''Wananchi wa  Vingunguti endapo mkinichagua kwenye uchaguzi mkuu utakaofanyika Oktoba 28 nitahakikisha hakuna mwananchi yeyote ambaye atalipia usafairi pindi atakapofia, nitanunua gari ambalo litatumika bure'' amesema Kumbilamoto

Aidha ameongeza changamoto hiyo imekuwa ikiwakabili kwa muda mrefu wananchi hao hivyo ameamua ili kuwasiaidia wananchi ambao wamekuwa wakikosa fedha ya kusafirishia maiti pindi wanapofiwa.