Iran imesema kumekuwa na utulivu wa kiasi wa mripuko wa corona

Iran imesema mripuko wa virusi vya corona umetulia kwa kiasi fulani leo hii wakati taifa hilo likitangaza vifo vipya 68, pamoja na maambukizi mapya yanayopindukia 1,000 kwa siku ya nne mfululizo.

Taifa hilo limekuwa likikabiliana na mripuko wa corona tangu kutangazwa kwa kisa cha kwanza katikati ya Februari. Jumamosi iliyopita serikali ilitangaza viwango vya maambukizi vya watu 802, kikiwa ni kiwango cha chini kabisa tangu Machi 10.

Hata hivyo Jumapili ilitangaza tena maambukizi ya chini ya watu 1000.

Msemaji wa Wizara ya Afya, Kianoush Jahanpour pamoja na kutangaza hali hiyo ya unafuu anasema idadi jumla ya vifo nchini humo kwa sasa inafikia 6,486. Aidha visa vipya wa maambukizi vinafanya idadi jumla kufikia watu 103,135.