Wagonjwa wa corona Tanzania wafikia 284, Waziri Mkuu wa nchi ya Tanzania Kassim Majaliwa ametangaza.
Akihutubia katika tukio la ibada ya kitaifa jijini Dar es Salaam leo Jumatano, Majaliwa amesema kufikia Jumanne Aprili 21 wagonjwa waliothibitika nchini humo ni 284 ambapo kati yao 256 wanaendelea vizuri, saba kwenye uangalizi maalumu, 11 wamepona na 10 wamefariki.
Kufikia Jumatatu Tanzania ilikuwa imethibitisha wagonjwa 254, na hivyo wagonjwa 30 zaidi wameongezeka nchini humo.
#MAOMBICOVID19TZ Hadi Aprili 21, 2020 jumla ya wagonjwa 284 wamethibitika kuwa na ugonjwa wa Covid19 ambapo wagonjwa 256 wanaendelea vizuri, 7 wako kwenye uangalizi maalum, 11 wamepona na 10 wamefariki - Waziri Mkuu, Kassim Majaliwa.#TanzaniaUpdates
Mwisho wa ujumbe wa Twitter wa @TZMsemajiMkuu
Majaliwa pia amesema jumla ya watu 2815 waliokuwa karibu na wagonjwa wamefuatiliwa afya zao ambapo kati yao, watu 1733 hawana maambukizi na watu 12 walikutwa na virusi hivyo (wapo kwenye orodha ya watu 284).
