Mkuu wa jeshi la Polisi nchini IGP Simon Sirro, amemuagiza kamanda wa Polisi mkoa wa Iringa ACP Juma Bwire, kuhakikisha anakamilisha ujenzi wa nyumba za makazi ya askari wa Jeshi hilo unakamilika ndani ya kipindi cha mwezi mmoja.
IGP Sirro amesema kuwa kukamilika kwa nyumba hizo zilizotokana na fedha zilizotolewa na Mhe. Rais wa Jamhuri wa Muungano wa Tanzania Dkt. John Magufuli, zitasaidia kukabiliana na changamoto ya makazi.
Aidha, IGP Sirro, ameipongeza kamati ya ulinzi na usalama ya mkoa wa Iringa kwa kuendelea kuhakikisha hali ya ulinzi na usalama inazidi kuimarika katika mkoa huo huku akiwataka wananchi kuacha kujichukulia sheria mkononi, ubakaji pamoja na kujihusisha na wizi wa kutumia pikipiki.
