Kuelekea mchezo wa Ligi kuu Tanzania bara kati ya Simba SC na Mbao FC ya Jijini Mwanza utakaochezwa Machi 31 mwaka huu katika Uwanja wa Jamuhuri Mkoani Morogoro, Meneja wa Klabu ya Mbao FC Almas Moshi amesema kuwa wanauhakika wataifunga tena Simba SC katika mchezo huo.
Moshi amesema kutokana na Waalimu walionao kwa sasa ambao ni aliyekuwa Kocha mkuu wa Timu ya Taifa ya Tanzania "Taifa stars" Salum Mayanga na msaidizi wake Novatus Fulgence,wanaamini watafanya vizuri katika mechi zao kutokana na uzoefu mkubwa walionao waalimu hao.
.
"Kutokana na waalimu tulionao kwa sasa tutafanya vizuri katika mchezo wetu na Simba japo Simba kwa sasa amekuwa akifanya vizuri katika Ligi kuu na mechi za kimataifa pia,lakini kwa uwezo walionao walimu wetu kwa mechi za kitaifa na kimataifa pia tutafanya vizuri na kuwafunga Simba tena" amesema Moshi
Klabu ya Simba SC sasa wanaotumia Uwanja huo Jamhuri kama Uwanja wao wa nyumbani baada ya Uwanja wa Taifa,Uhuru na Azam complex kufungwa ili kupisha maandalizi ya fainali za AFCON U17 ambapo Tanzania ndio mwenyeji.
Ikumbukwe kuwa Simba SC alifungwa bao 1-0 Septemba 20 mwaka jana na Mbao FC katika Uwanja wa CCM Kirumba Mwanza.
Source
.jpg)
