Mwimbaji mkongwe wa Bongo Fleva, Ray C amelitaka Baraza la Sanaa Tanzania(BASATA) likiwa chini ya Waziri Harrison Mwakyembe na Juliana Shonza kumsaidia Muimbaji wa Injili Rose Muhando.
Ray C ametumia ukurasa wake wa Instagram na kusema Rose Muhando anahitaji msaada ikiwa amepeperusha bendera ya Tanzania kupitia Muziki wake.
"Wasanii wenzangu na watanzania kwa ujumla tunamsaidiaje dada yetu....Huyu ni wa kwetu sisi.Naamini kila mtu ana majukumu na shughuli za hapa na pale,lakini huyu dada ni mtanzania mwenzetu,ni dada yetu,ni ndugu yetu, anahangaika tu huko kenya hana msaada..Waimba injili wote,wasanii wote na watanzania kwa ujumla tunamsaidiaje dada yetu.@basata.tanzania @harrisonmwakyembe @juliana_shonza," alichapisha Ray C.
"Naamini akipelekwa sehemu anayofaa kuwa atapata msaada,atapona na atasimama tena.Ushuhuda wangu Unatosha kuamini inawekazana1. Amepeperusha sana bendera yetu nje ya nchi kupitia muziki wake. 2.Ametupa amani ya moyo miaka na miaka kupitia muziki wake. 3.Ametusaidia sana kiimani kwa nyimbo zake. 4.Tulifarijika pindi tuskiapo nyimbo zake."
