Bunge la Austria lapitisha sheria yenye utata dhidi ya misikiti na wahubiri wa Kiislamu

Muswada wenye utata wa kupambana na ugaidi nchini Austria umepitishwa bungeni.

Pamoja na sheria hiyo, wahubiri katika misikiti watachunguzwa, misikiti na vyama vya kidini ambavyo vinafikiriwa kuwa na itikadi kali vitafungwa haraka iwezekanavyo.

Udhibiti mkali utafanywa ili kuzuia msaada wa kifedha kutoka nje ya nchi kwa taasisi zinazomilikiwa na Waislamu.

Wahubiri hasa wa kigeni wanaofanya kazi katika misikiti watakuwa chini ya uangalizi. Majina ya wahubiri yataripotiwa serikalini.

Watu ambao wamemaliza vifungo vyao vya gerezani kwa mashtaka ya ugaidi nchini pia watakaguliwa baada ya kutoka.

Watu hawa watafuatiliwa kwa muda maalum kwa kuwekwa pingu za elektroniki.

Inahofiwa kwamba kifurushi kipya cha sheria kitaongeza mashambulizi dhidi ya Waislamu kwa kuchochea chuki dhidi ya Uislamu nchini.