Rais mteule wa Marekani, Joe Biden leo anatarajiwa kupokea taarifa ya kila siku ya rais kwa mara ya kwanza, wiki kadhaa baada ya utawala wa Rais Donald Trump kukataa kutoa taarifa hizo.
Taarifa iliyotolewa na ofisi ya Biden, inaeleza kuwa baada ya kupokea taarifa hiyo, rais huyo mteule atakutana na washauri wake.
Wakati huo huo, Biden ameitangaza timu yake ya mawasiliano ambayo yote inawajumuisha wanawake. Hii itakuwa ni mara ya kwanza katika historia ya Marekani timu ya mawasiliano ya rais kuwa na wanawake watupu.
Miongoni mwa walioteuliwa ni Jen Psaki, ambaye atakuwa katibu wa habari wa Ikulu ya Marekani. Kate Bedingfield ameteuliwa kuwa mkurugenzi wa mawasiliano wa Ikulu ya Marekani.
Wanawake wengine walioteuliwa ni Ashley Etienne, Symone Sanders, Pili Tobar, Karine Jean Pierre na Elizabeth Alexander.
