Msemaji wa jeshi la Misri Tamir er Rifai amefahamisha katika taarifa kwamba wapiganaji 22 wameuawa katika operesheni zilizoendeshwa Kaskazini mwa Sinai.
Idadi ya wapiganaji waliouawa imeongezeka na kufikia 126 katika operesheni zilizoendeshwa karibu na mpaka wa Ukanda wa Gaza.
Mahandaki 16 yameshambuliwa na kuharibiwa na jeshi la Misri.
Msemaji huyo wa jeshi la Misri ametangaza kuuawa kwa wanajeshi 15 katika operesheni hizo bila ya kutoa habari kamili kufuatia matukio hayo.
