Benki kubwa ya Ujerumani kupunguza wafanyakazi 18,000

Benki kubwa ya Ujerumani Deutsche Bank inapanga kupunguza wafanyakazi karibu 18,000 kama sehemu ya mpango mkubwa wa marekebisho uliotangazwa na benki hiyo jana Jumapili.

Benki hiyo inataka kufikia mwaka 2022, kuwe na uwiano wa ajira za kudumu zipatazo 74,000 sawa na katika tawi lake la mjini Frankfurt ambapo hatua hiyo itakuwa ni sawa na kupunguza asilimia 20 ya wafanyakazi.

Mpango huo wa marekebisho makubwa ulitangazwa baada ya mkutano wa bodi ya usimamizi ya mjini Frankfurt unatarajiwa kuigharimu benki hiyo, Euro bilioni 7.4.

Deutsche bank inakabiliwa na mgogoro wa kifedha kupata faida wakati kutokana na masharti mapya ya usalama yaliyowekwa, pia inakabiliwa na mzigo mkubwa wa faini kutoka Marekani kutokana na mwenendo wake wakati wa mgogoro wa kifedha.

Mkurugenzi Mtendaji Mkuu wa Deutsche Bank alitangaza mpango huo wa marekebisho kwa mara ya kwanza mnamo mwezi Mei.