Na Thabit HamidumZanzibar,
MKUU Wa Kitengo cha bei Khamis Abdulrahman Msham amesema hali ya mfumo wa bei za bidhaa umepungua kutoka asilimia 3.1 hadi kufikia 2.7 kwa mwaka uloishia June 2019 kwa bidhaa mbalimbali zinazotumiwa na wananchi tofauti visiwani Zanzibar.
Hayo ameyasema leo huko katika Ukumbi ya Ofisi ya Mtakwimu Mkuu wa Serikali Mazizini Mkoa wa Mjini Unguja wakati akizungumza na waandishi wa habari kuhusu muendelezo wa kuripoti taarifa za bei kuhusu kushuka kwa bidhaa ikiwemo chakula.
Alisema mfumuko wa bei za bidhaa umepungua ikiwemo chakula kama vile mchele wa mapembe, mchele wa basmati, ndizi na samaki na pia mafuta ya taa.
Aliongeza kusema hali ya uchumi inaimarika vizuri ukilinganisha na nchi nyengine za Afrika Mashariki kwa jinsi kasi ya kupanda imepungua kutokana na uzalishaji uliyo mzuri.
Nae Meneja wa Idara ya Uchumi Tanzania Bank of Tanzania BOT Moto Ng'winganele Lugobi alisema hali ya mfumuko wa bei kwa sasa ni mzuri kutokana na uzalishaji wa mavuno uko vizuri na kuwataka wananchi kuzalisha mavuno kwa wingi.
Kwa upande wa Mhadhiri wa Uchumi kutoka chuo kikuu cha Taifa SUZA Suleiman Msaraka Pinja alisema Serikali ikianza bajeti huweka malengo yake hivyo lengo la mfumko wa bei usizidi ili wananchi waweze kumudu bei za bidhaa.
Hivyo lengo limetimia mfumo wa bei umeshuka na kuwataka wananchi waendelee kuzalisha chakula kwa utaalamu zaidi kwani wakifanya hivyo mfumko wa bei hautokuwa mkubwa.
.jpg)
