Kwa mujibu wa meneja wa kikosi hicho ambacho kimepiga kambi mkoani Morogoro, Nadir Haroub Cannavaro, wachezaji Juma Mahadhi na Juma Abdul hali zao bado si nzuri.
''Kambi inaendelea vizuri hapa Morogoro na wachezaji wote wapo tayari kwa mchezo isipokuwa beki wetu Juma Abdul na mshambuliaji Juma Mahadhi ambao bado ni majeruhi na hawapo tayari kwa mchezo wa Jumapili'', amesema Cannavaro.
Cannavaro ameeleza kukosekana kwa wachezaji hao hakutaathiri chochote kwani wachezaji waliopo wanauwezo wa kuipa timu matokeo kama ilivyokuwa kwenye mchezo dhidi ya Singida United ambapo walikosekana Kelvin Yondani, Mrisho Ngassa na Heritier Makambo, lakini timu ilipata ushindi.
Mchezo huo wa jumapili utakuwa wa tano kwa Yanga SC msimu huu, ambapo tayari wamecheza mechi 4 na kushinda zote. Wana alama 12 katika nafasi ya 3 ya msimamo wa ligi.
