Waziri wa Afya wa Ujerumani, Jens Spahn amesema Ujerumani imepanga kuanza kampeni ya utoaji chanjo ya virusi vya corona Desemba 27, huku mataifa yote 27 ya Umoja wa Ulaya yakiwa na lengo la kuanza siku hiyohiyo.
Katika taarifa yake Spahn amesema pale itakaporidhiwa wezee ambao wanaishi katika vituo vya kuwatunzia wazee ndio watakaokuwa wa kwanza kupata chanjo hiyo ya Pfizer-BioNTech.
Waziri huyo wa afya ametoa taarifa hiyo baada ya kufanya mkutano na maafisa wa afya kutoka katika majimbo 16 ya Ujerumani.
